Senin, 18 Agustus 2008

geguritan ( elinga ndhuk...)


elinga ndhuk...


ndhuk,

geneya praupanmu suntrut,
sajak ana panandhang,
tak sawang atimu goreh,
ora jenjem,
sajak ana samubarang lir,
sing njalari urip ora tentrem,
apa sing nggubel atimu,
kang njalari uripmu kebak panandhang,
ndhuk,
coba sareh sedhela,
nyenyuwunna marang sing kuasa,
kang akarja urip,
kang bisa njalari padhaning budi,
sing lagi nandhang ruwet renteging bebrayan,
ndhuk,
elinga marang kang murbeng gesang,
mesthi bakal diparingi apa sing dadi panyuwunmu,
aja pisan-pisan nglokro,
nanging balik sumaraha marang pangeran gung,
pangeran papan pangungsen lan pasambat kita.

bumi Ngayogyakarta,
18 Agustus 2008.

Tidak ada komentar: