nalika aku tilik omah,
gawang-gawang aku isih kelingan,
nalikane wit Pala kulon omah,
isih nyimpen wewadi tumraping urip,
wit Pala iku seksi aji,
kepiye nalikane aku cilik,
ginadhang dening bapa lan mbokku,
bapa ibu mardimatoyo,
sing tansah setya nggulawenthah aku,
mbakyu lan adhiku,
wit Pala iku saiki wis gumanti,
nalikane aku bali mulih,
mung kari pengangen-angen,
sing wus ilang gambare,
bapak wus sumare, mbakyu dalah kangmasku,
wus tsntrem ndherek Gusti ing daleme Ilahi,
wit Pala kulon omah,
uga mung kari critane,
nanging Gunturgeni tetep grapyak,
saiki tumeka ing saklawase...
Yogya, 10-09-09,
bapakne Weni, Niken lan Visca.
1 komentar:
Masa silam memang sunnguh indah utk dikenang ya pak. Namun sayang nggak bisa kita beli. Saya juga masih ingat akan "wit polo kulon ngomah", karena dulu tiap hari lewat di bawah wit polo tsb pergi dan pulang sekolah....
Posting Komentar