sing salah seleh
geneya pada regejegan,
kaya asu rebut balung tanpa isi,
tundhone padha getun,
pasulayan sing diundhuh,
dredah lan susah,
geneya padha ra gelem wawan rembug,
sing bisa njalari rukun siji lan sijine,
nanging malah padha padudon,
ora ana sing gelem ngalah,
lan uga ora ana sing rumangsa salah,
mangka yen padha gelem,
ngenggoni jejering titah sawantah,
kabeh manungsa mesthi kanggongan salah,
geneya padha regejegan,
elinga warang wewarah para winasis
sing sapa salah mesthi bakal seleh,
mula welingku, aja padha regejegan.
bumi Ngayogyakarta,
26 Agustus 2008.
Tidak ada komentar:
Posting Komentar